29 Маусым 2017   


  Негізгі бөлім / Қажылық / Қажылықта жаза керек ететін жағдайлар

Қажылықта жаза керек ететін жағдайлар

Новая страница 1

Жаза керек ететін жағдайлар төртке бөлінеді. Бұлар:

1- Бедене (түйе немесе сиыр) союды керек ететін жағдайлар.

2- Дем (қой немесе ешкі) союды керек ететін жағдайлар.

3- Садақа беруді керек ететін жағдайлар. (Пітір мөлшеріндей)

4- Құнын өтеуді керек ететін жағдайлар.

 

Бедене союды керек ететін жағдайлар:

1- Арафат уақфасынан кейін және зиярат тауафынан бұрын жыныстық қатынаста болу. (Арафатқа тұрмастан бұрын болса, қажылығы бұзылады.)

2- Зиярат тауафын жүніп күйде жасау.

 

Дем союды қажет ететін жағдайлар:

1- Қудум немесе уәда тауафын жүніп күйде жасау.

2- Бір мүшенің толығына иіс cу жағу.

3- Шашына май жағу немесе қына жағу.

4- Тігілген киімді бір күн толығымен кию.

5- Басын бір нәрсемен жабу.

6- Қырыну.

7- Қолтық немесе беттің қылдарын немесе мойын қылдарын жұлу.

8- Тырнақ алу.

9- Қажылықтың уәжіптерінен біреуін тәрк ету немесе уақытында орындамау.

 

Пітір мөлшеріндей садақа беруді қажет ететін жағдайлар:

1- Бір мүшенің аз бөлігіне иіс су жағу.

2- Бір күннен аз уақытқа киім кию.

3- Бастың немесе сақалдың төрттен бірінен аз бөлігін қыру.

4- Бір тырнақ алу.

5- Қудум немесе уәда тауафын дәретсіз жасау.

6- Уәда тауафының бір шаутын (айналымын) тәрк ету.

7- Жәмрелерде лақтыратын тастардың бірін кем лақтыру.

8- Басқа біреудің сақалын қыру немесе тырнағын алу.

 

Пітір мөлшерінен аз садақа қажет ететін жағдайлар:

Бит немесе шегіртке өлтіру.

 

Құнын өтеуді қажет ететін жағдайлар:

Жеуге болатын жабайы аңдарды өлтіру. Сонымен қатар Харем аймағында жұлу харам болған өсімдіктерді жұлу.